د افغانستان د سولې او پخلاینې لپاره د امریکا خاص استازي زلمي خلیلزاد له لوړپوړو جرمني چارواکو سره د افغان سولې او بینالافغاني خبرو په اړه خبرې کړي.
خلیلزاد نن سهار په ټویټر باندې لیکلي چې د جرمني په پلازمېنه برلین کې یې د پرون او وړمې ورځې خبرې رغنده وې.
خلیلزاد ویلي چې د جرمني د ملي امنیت او بهرنیو چارو له سلاکار جان هکر، د بهرنیو چارو له مرستیال وزیر اندریاس میکایلیس او د افغانستان لپاره د جرمني له خاص استازي مارکوس پوتزل سرهیې لیدلي.
هغه ویلي له جرمني چارواکو سرهیې په دې خبرې کړي چې څه کولای شو څو په افغانستان کې دایمي سوله راشي.
Productive 2 days in #Berlin. Met yesterday w/ Chancelor%27s Foreign Policy & Security Advisor Hecker, @GermanyDiplo Sec Michaelis & working din w/ spec envoy @PotzelMarkus. Reflected on what’s been achieved in #Afghanistan since Bonn 2001 & what we can do to get to a durable peace
— U.S. Special Representative Zalmay Khalilzad (@US4AfghanPeace) June 5, 2019
ښاغلي خلیلزاد همداراز ویلي چې د جرمني په کوربهتوب د افغان سولې لپاره د امریکا-اروپا د یوه ګروپ غونډه هم وشوه.
هغه ویلي چې د دغه ګروپ د غونډې تمرکز د سولې پروسه او راتلونکې بینالافغاني خبرې وې چې کوربهتوب یې جرمني او قطر کوي او د اسلو په مجمع کې هم پرې بحث کېږي.
د افغانستان د سولې لپاره د امریکا ځانګړي استازي زلمي خليلزاد سيمې او څو نورو هېوادونو ته خپل اووم سفر پيل کړى دى.
هغه تر جرمني مخکې د يکشنبې په ورځ په پاکستان کې و او ټاکل شوې افغانستان، متحده عرب اماراتو، قطر او بلجيم ته هم لاړ شي.
تمه ده دی افغانستان، بلجیم، عربي متحده اماراتو او قطر ته هم سفر وکړي.
خليلزاد د طالبانو له استازو سره شپږ وارې خبرې کړې دي، خو تر اوسه دغه ډله د افغانستان له حکومت سره مخامخ خبرو ته نهده حاضره شوې.