طالبانو او یو شمېر افغان سیاستوالو په یوه ګډه اعلامیه کې د مسکو وروستۍ خبرې مؤثرې او رغنده بللي دي.
پهدې اعلامیه کې ویل شوي چې د مسکو په بینالافغاني کنفرانس کې د اوربند د ټينګښت او له افغانستانه د بهرنیو ځواکونو په وتلو بحث شوی دی.
د طالبانو او افغان سیاستوالو په ګډه اعلامیه کې د مسکو خبرې دوستانه یادې شوي.
په دوام کې راغلي له دې چې ځیني خبرې ډېر بحث ته اړتیا لري او موافقه وشوه چې راتلونکي کې به پرې بحث وشي، خو په ټوله کې کومه موافقه نهده شوې.
د طالبانو مرستیال او په قطر کې د دوی د سیاسي ډلې مشر ملاعبدالغني برادر ویلي چې لومړی باید بهرني ځواکونه له افغانستانه ووځي او وروسته به خبرې وکړي.
اخوا د مسکو د غونډې یوې ګډونوالې فوزیه کوفي په خپله ټویټرپاڼه لیکلي چې سوله د طالبانو نظام ته د ورتګ په معنی نهده او طالبان دې په دې خبره پوه شي.