د امریکا ولسمشر ډونالد ټرمپ وايي، سعودي عربستان او د اوپیک یا تېلو صادروونکو هېوادونو د سازمان نور غړي د ده له دې غوښتنې سره سلا شوي چې د تېلو تولیدات زیات کړي، څو په نړۍ کې د تېلو بیې راښکته شي.
ولسمشر ټرمپ پر خپل ټوېټر لیکلي:
"د سعودي عربستان او نورو سره مې د تېلو د بهیر د زیاتېدو په اړه خبرې کړي، ټول موافق دي."
Spoke to Saudi Arabia and others about increasing oil flow. All are in agreement. The California tax on gasoline is causing big problems on pricing for that state. Speak to your Governor about reducing. Economic numbers, 3.2% GDP for what is often worst quarter, looking good!
— Donald J. Trump (@realDonaldTrump) April 26, 2019
د نوي میلادي کال له پیل راهیسې په نړیوالو مارکېټونو کې د خامو تېلو بیې په سلو کې ۳۳ لوړې شوې دي.
د ولسمشر ټرمپ له دې څرګندونو وروسته په کې په سلو کې دوه اعشاریه نهه کموالی راغلی.
په نړۍ کې د تیلو په بیو کې راغلی لوړوالي یو سبب هم پر ځینو هېوادونو د امریکا هغه فشار ګڼل کیږي چې ټینګار کوي له ایران څخه دې د تیلو اخیستل بند کړي. واشینګټن وايي، په سیمه کې د ایران د ویجاړونکو فعالیتونو په خاطر ددې هیواد د تیلو صادارت صفر ته راکمول غواړي.