د روغتیا نړیوال سازمان «World Health Organization» ویلي چې د لیبیا د پلازمېنې طرابلس د نیولو لپاره په جګړه کې ۱۴۷ تنه وژل شوي دي.
د دې سازمان په وینا، د رقیبو وسلهوالو ډلو په جنګ کې ۷۵۸ تنه زخمیان شوي دي.
د لیبیا ملي پوځ په نوم د وسلهوالو ډلې چې د خلیفه حفتر په نوم قوماندان یې مشري کوي، د اپرېل په ۵مه نېټه د طرابلس د نیولو لپاره عملیات پېل کړل.
په طرابلس کې ملېشه ډلې چې هلته د ملګرو ملتونو د ملاتړ کوونکي حکومت سره تر یوه حده تړاو لري، مقاومت کوي.
د روغتیا نړیوال سازمان نن د اپرېل په شپاړسمه، پر ټوېټر خبر ورکړ چې اضافي روغتیايي کارکوونکي یې لیبیا ته استولي دي.
ملګرو ملتونو پرون وویل چې د جګړې له امله ۱۸۰۰۰ کسان بې کوره شوي هم دي.