د افغانستان د کرکټ ملي ټیم لوبغاړي محمد نبي ته د هند په غورهلیګ کې پرون د لوبې بدلوونکي لوبغاړي اېوارډ ورکړل شو.
محمد نبي چې د هند د غورهلیګ په لوبو کې د سنرایزر حیدراباد په ټیم کې لوبېږي پرون څلور مهمې وېکټې واخیستې.
د حیدراباد لوبه له رویال چلنجرز بنګلور سره وه چې د محمد نبي او ځینو نورو بالرانو په توپ اچونې سره سیال بنګلور ټیم د ۲۳۱ منډو په پوره کولو کې پاتې راغی او ټول لوبغاړي یې په ۱۱۳ منډو اوټ شول.
تر دې مخکې د جمعې په ورځ د نړۍ لومړي مقام لرونکي افغان توپ اچوونکي راشد خان هم د راجستان د ټیم په وړاندې د حیدراباد د لوبې غوره لوبغاړی شو.
سږ کال د هند د کرکټ په غورهلیګ کې راشد خان او محمد نبي د حیدراباد په ګټه لوبېږي او مجیبالرحمن ځدراڼ د کېنګز پنجاب لپاره لوبه کوي.