په هرات ولایت کې پرونیو سیلابونو ۱۵ کسان وژلي او پراخ مالي تاوانونه يې اړولي دي.
دا سیلابونه د هرات په شینډنډ،زنده جان، غوریان او یو شمېر نورو ولسوالیو کې راغلي دي.
د هرات د والي ویاند جیلاني فرهاد پهدې اړه ازادي راډیو ته وویل:
"په تأسف سره چې تر اوسه پورې د مرګژوبلې شمېره ۱۵ ته رسېدلې ده. په دې کې ښځې، ماشومان او سپینږیري شامل دي. زیاته مرګ ژوبله په غوریان، زندهجان، رباط سنګي او ځینو نورو سیمو کې اوښتې ده. سیلابونو زر کورنۍ زیانمنې کړي دي."
شاوخوا یوه میاشت مخکې په هرات کې ورته سیلابونو ۷ کسان وژلي وو.