په کابل کې د امریکا سفیر هغه راپورونه رد کړي چې ګوندې د چهارشنبې په ورځ د امریکا او طالبانو ترمنځ خبرې په پلان کې وې.
جان بس پهدې اړه ډېر جزئیات نهدي ورکړي، خو پر ټویټر یې لیکلي:
"د امریکا او طالبانو ترمنځ د چهارشنبې په ورځ د خبرو راپورونه ناسم دي. طالبان باید هومره چې رسنیو سره خبرې کوي، خپلو افغان هېوادوالو سره خبرې وکړي."
Reports of US-Taliban talks Wednesday inaccurate. Taliban should talk to fellow Afghans as much as they talk to media.
— John R. Bass (@USAmbKabul) January 8, 2019
جان بس دا څرګندونې وروسته له هغې کوي چې د سې شنبې په ورځ طالب چارواکو یو شمېر رسنیو ته وویل، دوی د اجنډا پر سر د اختلاف له کبله هغه خبرې لغوه کړي چې ټاکل شوې وه د چهارشنبې په ورځ د طالبانو او امریکا ترمنځ په قطر کې وشي.
روېټرز خبري اژانس د یو شمېر طالب چارواکو له قوله چې نومونهیې نهدي یاد شوي ویلي، په اجنډا کې لوی اختلافونه، په خبرو کې د افغان حکومت د شمولیت، د بندیانو پر خوشې کولو او په ۲۰۱۹ میلادي کال کې د اوربند د اعلان پر مسئلو وو.