د افغانستان د سولې په اړه د مسکو مشورتي غونډه ښايي د اکتوبر مياشتې تر پايه جوړه شي.
د افغانستان لپاره د روسيې ځانګړي استازي ضمير کابلوف پرون جمعه د تاس خبري اژانس د خبريال د پوښتنې په ځواب کې وويل:
”ممکن دا غونډه د روانې ميلادي مياشتې تر پايه وشي.“
په پام کې وه د افغان حکومت او طالبانو د استازو په ګډون دغه مشورتي غونډه د سپټمبر پر څلورمه جوړه شي، خو افغان حکومت او د امريکا متحدو ايالتونو په کې له ګډون څخه ډډه وکړه.
د روسيې د بهرنيو چارو وزير سرګي لاوروف د اګست مياشتې پر ٢٧مه، له ولسمشر محمد اشرف غني سره ټليفوني خبرې وکړې او د دې غونډې پر ځنډولو يې موافقه وکړه.
د روسيې د بهرنيو چارو وزارت معين ايګور مورګولوف وروسته وويل، دغه مشورتي غونډه ښايي د ٢٠١٨م کال تر پايه جوړه شي.