د افغانستان د ولسي جرګې او ولسوالیو شوراګانو د انتخاباتو مواد پرون چهارشنبه له مرکزه ولایتونو ته واستول شول.
د انتخاباتو د خپلواک کمېسیون رئیس ګلاجان عبدالبدیع صیاد ازادي راډیو ته وویل:
"الحمدلله موږ وتوانېدو چې ټولو ۳۴ ولایتونو ته حساس او غیر حساس انتخاباتي مواد ورسوو او د شنبې په ورځ به د دې انتخاباتو لپاره د نوم ثبتول پيل شي."
د نوم لیکلو بهیر به نږدې دوه میاشتې دوام وکړي.
ټاکل شوې ده چې د ولسي جرګې او د ولسوالیو د شوراګانو انتخابات د روان لمریز کال د تلې په ۲۸مه ترسره شي.