د یکشنبې په ورځ په پېښور کې لسګونه زره پښتنو د خپلو حقونو د غوښتنې لپاره احتجاجي غونډه وکړه.
د پښتون ژغورنې غورځنګ یو بنسټګر علي وزیر ازادي راډیو ته وویل چې په پېښور کې دا غونډه د پښتنو په تاریخ کې بې سارې وه او د پښتنو غږ یې نړۍ ته ورساوه.
هغه وویل، د پېښور غونډې ته شاوخوا دوه لکه پښتانه ورغلي و و او د مې په ۲۲ مه به په لاهور کې چېرته چې د ده په خبره د واک بنسټ دی یوه ورته لویه غونډه ترسره کړي.
له علي وزیر سره د ازادي راډیو خبریال صفي الله ستانکزي مرکه کړې او لومړۍ پوښتنه یې د غونډې د ترسره کېدو او د ګډونوالو په اړه کړې ده.
دا مرکه د لاندې لېنک په کېکاږلو سره اورېدلی شئ:
Your browser doesn’t support HTML5
له علي وزیر سره مرکه