په سمنګان ولایت کې یوې ټرافیکي پېښې په یوه کرولا موټر کې ټول سپاره کسان وژلي دي.
د سمنګان د پولیسو ویاند منیر رحیمي ازادي راډیو ته وویل، پېښه د پنجشنبې په ماښام هغه مهال وشوه چې یو کرولا ډوله موټر د سمنګان – بغلان پر لاره له یوې بار وړونکي لارۍ سره ټکر شو.
نوموړي د پېښې علت د دواړو موټر چلوونکو بې احتیاطي او له ټاکلي اندازې زیات سرعت بللی دی.
د یادونې وړده چې په افغانستان کې د سړکونو خرابولی او د ټرافیکي قوانینو نه مراعت ډېر کله د مرګونو ټرافیکې پېښو سبب کېږي چې هر کال پهکې سلګونه کسان مري.