د امریکا د متحده ایالاتو ولسمشر وايي، د دې هېواد د بهرنیو چارو وزیر رکس ټېلرسنیې له دندې لیرې کړی او د امریکا د مرکزي استخباراتو د ادارې مشر مایک پامپیو یې د بهرنیو چارو د وزارت لپاره نومولی دی.
ولسمشر ټرمپ د سې شنبې په ورځ پر خپل ټویټر ولیکل، د مرکزي استخباراتي ادارې مرستیاله جینا هسپل به د دې ادارې مشري پر غاړه واخلي.
د امریکا ولسمشر ډونالد ټرمپ پر خپل ټویټر لیکلي:
"د استخباراتو د مرکزي ادارې مشر مایک پامپیو به زموږ نوی د بهرنیو چارو وزیر وي چې ډېره ښه دنده به ترسره کړي."
Mike Pompeo, Director of the CIA, will become our new Secretary of State. He will do a fantastic job! Thank you to Rex Tillerson for his service! Gina Haspel will become the new Director of the CIA, and the first woman so chosen. Congratulations to all!
— Donald J. Trump (@realDonaldTrump) March 13, 2018
د ولسمشر ټرمپ په وینا جینا هسپل به د لومړۍ ښځې په توګه د «سي. ای. اې» یا د امریکا د استخباراتو د مرکزي ادارې مشري وکړي.
ولسمشر ټرمپ پرون خبریالانو ته وویل، رکس ټېلرسن سرهیې په ځینو مسئلو اختلاف درلود چې له دې ډلې هغه له ایران سره اټمي توافق یاد کړ.
ولسمشر ټرمپ دا اقدام د څو میاشتو هغو اوازو وروسته کوي چې ویل کېدل رکس ټېلرسن ښايي د امریکا د لوړپوړي ډیپلومات په توګه پر دندې پاتې نهشي.
بلخوا د امریکا د بهرنیو چارو وزرات مرستیال سټیف ګولډسټین د ولسمشر ټرمپ تر دې پرېکړې وروسته په یو بیان کې وویل، ټېلرسن تر هغې مخکې چې له دندې لیرې شي له ولسمشر ټرمپ سره خبرې نهوې کړې او "د دې اقدام له سبب نهو خبر"، خو له دې څرګندونو لږ وروسته سپینې ماڼۍ ګولډسټین هم له دندې لیرې کړ.