د افغانستان د ولسي جرګې د اداري پلاوي د دوهمې ورځې په انتخاباتو کې همایون همایون د دغې جرګې د لومړي مرستیال په توګه وټاکل شو.
د دغې جرګې د لومړي مرستیالۍ لپاره همایون همایون، نذیز احمدزی او د دوهمې مرستیالۍ لپاره محمد عبدو او عبیدالله کلیمزی کاندیدان وو.
او همدا شان د لومړي منشي څوکۍ لپاره میرداد نجرابي او محمد یوسف صابر کاندیدان وو، چې یوازې همایون همایون وتوانېد د ۱۱۶ حاضرو وکیلانو له ډلې د ۱۱۰ مثبتې رأیې ترلاسه او دغه څوکۍ خپله کړي.
تېره ورځ عرفان الله عرفان د رأیو په اکثریت د دوهم منشي لپاره ټاکل شوی و.
ټاکل شوې چې د دوهمې مرستیالۍ او د لومړي منشيتوب لپاره سبا دوشنبه یو ځل بیا ټاکنې ترسره شي.