په ملګرو ملتو کې د امریکا سفیرې د امنیت شورا په بېړنۍ غونډه کې وویل، ایرانیان د خپلو بشري حقونو لپاره د ایران په لارو کوڅو کې ځانونه په خطر کې اچولي دي.
نیکي هیلې وویل:
"دا د زړه ورو خلکو ننداره ده چې له خپل ځپونکي حکومت څخه سخته ناراضه دي او غواړي چې په اعتراض کې خپل ځانونه له خطر سره مخامخ کړي."
د اغلې هیلې په وینا د ایران تر نهه اویا په ډېررو سیمو کې خلک د حکومت پرضد درېدلې دي.
د ایران د مظاهرو په اړه تېره شپه د ملګرو ملتونو د امنیت شورا غونډه جوړه شوه.
په ملګرو ملتونو کې د ایران استازي غلام علي خوشرو وویل، له ملګرو ملتونو د امریکا ناوړه استفادې د ایران د اعتراضونو په باره کې د امنیت شورا غونډې ته لار پرانیسته:
"د تاسف وړ ده چې د یو شمېر غړیو د نه رضایت سربېره د امنیت شورا دا غونډه چې له خپل بهرني ماموریت سره یې سر نه خوړ، د امریکا د اوسنۍ ادارې د ناوړه استفادې له امله جوړه شوه."
روسیې د دې غونډې له ترسره کېدو سره مخالف کړی و.