د امريکا متحده ايالاتو ولسمشر ډونالد ټرمپ له خپل ازبکستاني سيال شوکت ميرضيايف سره په ټیليفوني خبرو کې د افغانستان پر وضعيت، د منځنۍ اسيا پر امنيت او د نږدې همکاريو پر لارو چارو خبرې وکړې.
سپينې ماڼۍ په يوه اعلاميه کې ويلي چې د پرونيو خبرو يو هدف پر سيمهييز امن او د دواړو هېوادونو ترمنځ د همکارۍ د ښه کېدو پر لارو چارو بحث کول وو.
د سپينې ماڼۍ په اعلاميه کې ويل شوي، ولسمشر ټرمپ او ميرضيايف په منځنۍ اسيا کې د ازبکستان پر نقش، د جنوبي اسيا او افغانستان لپاره د امريکا د نوې ستراتېژۍ پر ملاتړ او په افغانستان کې د امريکا پر هڅو خبرې وشوې.