د اسرائیل د پایتخت په توګه د بیتالمقدس د منلو په اړه د ولسمشر ډونالد ټرمپ د پرېکړې پر وړاندې له مخالفت نه ډک عکسالعملونه مخ په زیاتېدو دي.
- سعودي عرستان
سعودي عربستان وايي، د ولسمشر ټرمپ لهخوا بیتالمقدس د اسرائیل د پایتخت په توګه اعلانول، د منځني ختیځ د سولې د پروسې د پر شا تګ په معنی دی.
ریاض د امریکا د ولسمشر دا پرېکړه غیر مسؤلانه بللې ده.
- فلسطین
د فلسطیني ادارې مشر محمود عباس د ولسمشر ټرمپ پرېکړه غندلې ده او ویلي یې دي چې متحده ایالات نور نهشي کولای د منځني ختیځ په مسئله کې د منځګړي رول ولوبوي.
- مصر
مصر او اردن وايي، ټرمپ په دې اعلان سره له نړیوالو قوانینو سرغړونه کړې ده.
- ایران
ایران بیا دا پرېکړه په سختو ټکو غندلې ده.
- پاکستان
د پاکستان د بهرنیو چارو وزیر خواجه اصف ویلي د امریکا د جمهور رئیس دا پرېکړه فسلطینیانو او د نړۍ مسلمانانو ته سپکاوی دی.
- ترکیه
د ترکيې د بهرنیو چارو وزیر مولود چاووش اوغلو نن په بلګراد کې خبریالانو ته په خبرو کې د ډونالد ټرمپ دا اعلان غیر مسؤلانه وباله.
د ترکيې د بهرنیو چارو وزیر مولود چاوش اوغلو.
نوموړي زیاته کړه:
"نهیوازې د ترکيې او اسلامي نړۍ، بلکې د نړیوالې ټولنې او اروپايي اتحاديې له خبرداریو سره سره د امریکا ولسمشر ډونالد ټرمپ دا علان وکړ، دا یو غیر مسؤله او ګمراه کونکی اعلان دی. موږ يې نهمنو او غندوو يې ځکه دا اعلان د سیمې د امنیت او ثبات لپاره د چاودېدونکو موادو په څېر دی."
- فرانسې
د فرانسې ولسمشر امانوئل مکرون د ولسمشر ټرمپ پرېکړه د خواشینۍ وړ بللې ده او ټینکار يې کړی دی چې فرانسه د دې اعلان ملاتړ نهکوي.
د فرانسي ولسمشر امانویل مکرون.
مکرون په الجزایر کې خبریالانو ته وویل:
"له هر څه مخکې غواړم د امریکا د ولسمشر ډونالد ټرمپ د دې اعلان په اړه خپل عکسالعمل څرګند کړم. د اسرائیل د پایتخت په توګه د بیتالمقدس منل او دې ښار ته د امریکا د سفارت لېږدول یو اړخیزه پرېکړه ده. فرانسه دا پرېکړه چې نړیوال قوانین او د ملګرو ملتونو پرېکړهلیکونهيې نهمني، نهتائیدوي."
- ملګري ملتونه
د ملګرو ملتونو سرمشني ویلي د ټرمپ دا ګام به د منځني خیتځ د سولې پروسه له ګواښ سره مخ کړي.
- بریتانیا
د بریتانيې صدراعظمې ترزا مې ویلي دا پرېکړه د سیمې د سولې لپاره ګټه نهرسوي.
- اروپايي ټولنه
اروپايي ټولنې بیا د منځني ختیځ د سولې پر بروسه د دې پرېکړې د منفې اغېز په اړه خبرداری ورکړی دی.
د اروپايي ټولنې د بهرني سیاست مسولې فدریکا موګرېني وايي د دواړو خواو هیلې باید په پام کې ونیول شي او د خبرو له لارې باید د حل داسې یوه لار پیدا شي چې بیتالمقدس هم د اسرائیل او هم د فلسطینیانو پایتخت وي.
- جرمني
د جرمني د بهرنیو چارو وزیر بیا وايي، د ولسمشر ټرمپ دا پرېکړه به د اسرائیل او فلسطینیانو ترمنځ شخړه پراخه کړي.