د هلمند په مارجه ولسوالۍ کې امنیتي ځواکونو ته چې له تقریباً یو نیم کال راهیسې محاصره دي، پرون شنبه ضروري مواد ور ورسېدل.
په هلمند کې د ازادي راډیو خبریال وايي چې د ملي اردو د ۲۱۵ میوند قول اردو لسګونه ټانکونه او هاموې موټر چې په خوراکي موادو، جامو، دوا او نورو ضروري موادو بار وو ،مارجې ته ور ورسېدل.
د ۲۱۵ میوند قول اردو درستیز وال جنرال عبدالغني ابرار د ازادي راډیو خبریال ته ویلي چې په مارجه کې مېشتو ځواکونو ته په وروستیو شپږ میاشتو کې اکمالات نه وو شوي.
هلمند د افغانستان له ډېرو ناامنه ولایتونو ګڼل کېږي.
نور تفصیل د ازادي راډیو خبریال د محمد الیاس داعي په دې راپور:
Your browser doesn’t support HTML5
د داعي راپور