د جرمني په جنوبي ښار مونیخ کې پرون شنبه پولیسو ته بېړنی حالت اعلان شو.
په مونیخ کې پرون یوه سړي څلور وګړي په چاړه ووهل.
حمله د مونیخ ښار مرکزي سیمې روزن هایمر پلاتز ته نږدې وشوه.
تر حملې وروسته، د سیمې له خلکو غوښتنه وشوه چې په خپلو کورونو کې پاتې شي.
پولیسو د حملې په تړاو یو مشکوک وګړی نیولی او څېړنې يې روانې دي.
د حمله کوونکي هدف نهدی څرګند شوی.
د مونیخ پولیسو ویلي چې د حملې په تړاو نیول شوی، مشکوک وګړی ۴۰ کلن دی او د حملې پر مهال یوازې و.