هغه کاناډايي کورنۍ چې په افغانستان کې تښتول شوې وه، پرون شنبه له خپلو خپلوانو سره یوځای شوه.
اسوشیټېډ پرس وايي، جوشوا بویل، د هغه مېرمن کیتلن کولمن او د هغوی درې بچیان د جمعې په ماښام د ټورنټو ښار ته رسېدلي و او پرون خپلې کورنۍ ته ورسېدل.
د روېټرز خبري اژانس په حواله، جوشوا بویل ویلي چې د پنځه کلنې برمتې پر مهالیې پر مېرمن جنسي تېری شوی او یو ماشومیې وژل شوی دی.
جوشوا او کیتلن په ۲۰۱۲ میلادي کال کې په افغانستان کې د حقاني شبکې وسلهوالو تښتولي وو.
هغوی تېره اوونۍ د پاکستان د پوځ د عملیاتو په پایله کې راخوشې شول.
جوشوا بویل د ټورنټو په پيرسن هوايي ډګر کې په لنډو خبرو کې وویل، امید لرو چې د جهالت دا څپه به د حقاني شبکې د پای ټکی وي.
روېټرز خبري اژانس وايي چې د جوشوا، کیتلن او د هغوی د بچیانو روغتیايي معاینې هم پېل شوې دي.