د افغانستان د بیارغونې لپاره د امریکا د لګښت سرڅارونکي، جان سوپکو له اداري فساد سره د افغانستان د حکومت د مبارزې ستاینه وکړه.
سوپکو پرون دوشنبه په کابل کې د افغانستان د ملي وحدت حکومت له اجرائيه رئیس عبدالله عبدالله سره وکتل او د خپل دفتر د فعالیت په اړهيې معلومات ورکړل.
عبدالله عبدالله پرون د افغانستان د حکومت د ویندویانو په غونډه کې وویل چې اداري فساد لا هم د حکومت لپاره ستره ستونزه ده.
عبدالله عبدالله زیاته کړه:
"اداري فساد د افغانستان لپاره ستره ستونزه ده، موږ او تاسو له دې انکار نهشو کولائ، دې ستونزې زموږ د هېواد شهرت خراب کړی، زموږ حکومت او دولت تهیې زیان رسولی دی."
د حکومت اجرائیه رئیس له جان سوپکو سره په خبرو کې له اداري فساد سره مبارزه ډېره مهمه بللې ده.
جان سوپکو د اداري فساد لپاره د افغانستان د حکومت د هغې ستراتېژۍ د څارنې لپاره کابل ته تللی دی چې تېر کال د بروکسل په کنفرانس کې اعلان شوې وه.