د اجرائیه رئیس عبد الله عبد الله په مشرۍ یو لوی افغان پلاوی نن هند ته سفر کوي.
اجرائیه ریاست وايي، عبد الله عبد الله به د هند له صدراعظم نریندرا مودي سره وویني او د افغان او هندي سوداګرو په یوې ستره غونډه کې به ګډون وکړي.
اجرائیه رئیس به له هندي مقاماتو سره د افغانستان لپاره پر مهمو مسئلو په ځانګړي ډول په اقتصادي همکاریو او د بیارغونې پر موضوعاتو وغږېږي.
له ښاغلي عبد الله سره په دې سفر کې یو شمېر وزیران او شاوخوا دوه سوه پانګه وال او ملي سوداګر شامل دي.