د امریکا د سنا جرګې د بهرنیو اړیکو کمېټې پرون سې شنبه د افغانستان لپاره د ولسمشر ټرمپ له خوا د سفیر په توګه د جان باس نومول تائید کړي.
جان باس په ترکیه کې د متحده ایالاتو د سفیر په توګه دنده ترسره کوله.
نوموړي دغه راز په عراق، اېټالیا، چاډ او بلجیم کې د امریکا ډیپلوماټیک ماموریتونه پر مخ وړي دي.
ولسمشر ډونالد ټرمپ تېره میاشت د افغانستان لپاره خپله ستراتیژي اعلان کړه.
ولسمشر ټرمپ ویلي، امریکايي ځواکونه به د بریالیتوب لپاره جنګېږي، القاعده به وځپي او پر امریکا به د ترورېستي ډلو د بریدونو مخه نیسي.