د افغانستان د متشبیثینو عالي بورډ وايي، له تېرو شپږو ورځو راهیسې هند ته د داخلېدو په هدف، د افغان سوداګرو په خټکیو بار موتړونو ته د نامعلوم علت له امله، د واګه بندر هغه غاړه اجازه نه ورکول کېږي.
د دغه بورډ مشر رحم الدین حاجي اغا د دوشنبې په ورځ ازادي راډیو ته وویل، تر دې دمه ۲۰ ټنه خټکي خراب شوي او که چېرې دا ځڼډ اوږد شي، نور خټکي هم د خرابېدو له ګواښ سره مخ دي.
حاجي اغا په کابل کې د هند له سفارته غواړي چې دغه ستونزه حل کړي.
واګه د هند او پاکستان ترمنځ بندر دی چې تر ډېره افغان سوداګر له همدغې لارې، خپل سوداګرېز توکي هند ته صادروي.