په جرمني کې د یوه ځوان پناه غوښتونکي محاکمه پیل شوې ده.
دغه پناه غوښتونکي ځان افغان معرفي کړی دی او محاکمه یې نن په فریبرګ ښار کې پيل شوې ده.
حسین تېر کال د ماریا په نوم پر یوې نوولس کلنې نجلۍ په جنسي تېري او د هغې په وژنې تورن دی.
ماریا د طب محصله وه.
حسین تېر ډسمبر نیول شوی او ویلي یې دي چې اولس کلن دی او له افغانستانه جرمني ته تللی دی.
پولیسو ویلي حسین ۲۲ کلن دی او د پېښې له سیمې یې د هغه په اړه شواهد ټول کړي دي.