د تاجکستان ولسمشر امام علي رحمان د بریکس په نوم سرمشریزي کې د ګډون په هدف چین ته ولاړ.
له ښاغلي رحمان سره په دې سفر کې د هغه هېواد د کابیني غړي ملګري دي.
دا سفر به د سېپټمبر تر پنځمې نېټې پورې پای ته ورسېږي.
د چین ولسمشر شي جین پینګ د سېپټمبر له درېيمې تر پنځمې نېټې پورې په شیامین ښار کې د بریکس د غونډې کوربه دی.
چینایي رسنیو راپور ورکړی چې ولسمشر شي د تاجکستان ولسمشر ته بلنه ورکړې چې په دې غونډو کې ګډون وکړي.
په دغه سرمشریزه کې برازیل، روسیه، هند، چین او جنوبي افریقا ګډون لري.