امریکايي چارواکي وايي چې په دغه هېواد کې ۳ افغانان لادرکه شوي دي.
د راپورونو له مخې، د محبس درې کارکوونکي چې د امریکا کلرادو ایالت ته د روزنې لپاره تللي وو، د یوه تنظیم شوي سفر په لړ کې چې د هغوی د روزنې برخه وه، لادرکه شول.
دوی وايي، دا درې افغانان د شنبې په ماښام له سفره وروسته خپل هستوګنځي ته ستانه نهشول.
د کلرادو ایالت د اصلاحاتو د ادارې ویاند مارک فیربیرن وايي چې د دغو درې افغانانو د وضعیت او مصونیت په اړه اندېښنه لري.
دا درې تنه امریکا ته په لنډ مهاله ویزه تللي وو.
تر دې وړاندې هم څو افغان پیلوټان او پوځيان په امریکا کې د روزنې په ترڅ کې تښتېدلي دي.