د افغانستان ولسمشر به نن شنبه د ځوانانو د نړیوالې ورځ په مناسبت، په ارګ کې له یوشمېر ځوانانو سره وګوري.
ملګری ملتونه د اګست میاشتې په دولسمه نېټه، هر کال د ځوانانو نړیواله ورځ لمانځي.
ملګري ملتونه سږکال دا ورځ د "ځوانان سوله ټینګوي " په نوم لمانځي.
ملګري ملتونه غواړي چې په دې ورځ په ټوله نړۍ کې د جګړو او بحرانونو په مخنیوی، د ټولنیز عدالت په تامین، اقتصادي پرمختګ او د دوامدارې سولې په ټینګښت کې د ځوانانو پر رول بحثونه وشي.
دا سازمان نړیواله ټولنه هڅوي چې د سولې او امنیت په ټینګښت کې ځوانانو ته دفعالیت زمینه برابره کړي.
د جمهوري ریاست د ارګ خبرپاڼه وايي چې ولسمشر غني به نن له ځوانانو سره په غونډه کې وینا وکړي.