د امریکا ولسمشر پر چین تور پورې کړی دی چې په خبره يې له شمالي کوریا سره يې د امریکا د شخړې د حل په مسئله کې هېڅ هم نهدي کړي.
ډونالد ټرمپ پر خپله ټویټر پاڼه لیکلي متحده ایالات به د دې وضیعت دوام ته اجازه ورنه کړي.
I am very disappointed in China. Our foolish past leaders have allowed them to make hundreds of billions of dollars a year in trade, yet...
— Donald J. Trump (@realDonaldTrump) July 29, 2017
ولسمشر ټرمپ وروسته تر هغې دا څرګندونې وکړي چې شمالي کوریا د جمعې په ورځ یو نوي لېرې واټن ویشتونکی توغندۍ تجربه کړ.
د شمالي کوریا په وینا دا توغندۍ چې اټمي سروکی هم لېږدولی شي د امریکا خاورې ته رسیدلی شي.
په همدې حال کې د امریکا هوايي ځواک وايي چې د دوی "بي یو" ډوله جنګي الوتکو د شمالي کوریا د توغندي له ازموینې وروسته د دغه هېواد پر هوايي قلمرو پروازونه وکړل.
ولسمشر ټرمپ د امریکا پر پخوانیو مشرانو انتقاد وکړ چې د ده په خبره چین ته يې د میلیاردونو ډالرو د ترلاسه کولو زمینه برابره کړه خو چین د امریکا او شمالي کوریا د لانجې په کمولو کې هېڅ رول ونه لوباوه.
ښاغلي ټرمپ په ټویټر ویلي چین کولی شول په اسانی دا لانجه هواره کړي.
...they do NOTHING for us with North Korea, just talk. We will no longer allow this to continue. China could easily solve this problem!
— Donald J. Trump (@realDonaldTrump) July 29, 2017