د نشه یې موادو پر ضد د مبارزې ځانګړي څارنوالۍ د سرطان میاشتې په اوږدو کې د مخدره موادو د قاچاق ۳۵ قضیې بشپړې کړې او د نورو څېړنو لپاره یې عمومي څارنوالۍ ته استولي دي.
له نشه یي توکو سره د مبارزې عدلي او قضايي مرکز ویاند خالد موحد د چهارشنبې په ورځ ازادي راډیو ته وویل، د دغو قضیو په تور د هېواد په ۳۴ ولایتونو کې ۳۷ تنه نیول شوي دي.
ښاغلی موحد وايي، عمومي څارنوالۍ د سرطان په میاشت کې ۷۳ نورې قضیې هم اړوندو محکمو ته استولي دي.