د لښکرګاه په درېیمه امنیتي حوزه کې د پولیسو یو د افسر په ګډون څلور پولیس وژل شوي دي.
د هلمند د امنیه قوماندانۍ ویاند عبدالسلام افغان وايي، پېښه د درېمي امنیتي حوزې اړوند د بولان په سیمه کي رامنځته شوي ده.
هغه د ازادي راډیو سره په خبرو کې وویل د پېښې اصلي انګېزه لاهم معلومه نه ده.
افغان وویل په دې اړه تحقیق کوي او وروسته به نور معلومات درسنیو په واک کې ورکړي.
ویل کېږي د پولیسو وژل شوی افسر شیرعلي او ورسره ملګري د بولان اړوند د عبدالرحمن د پمپ په سیمه کې په یوه غلچکي برید کې وژل شوي دي.
دا په داسې حال کې ده چې په ګرشک ولسوالۍ کې هم د بهرنیو ځواکونو په یوه تصادفي برید کې ۱۶ پولیس او د هغو ۳ قوماندانان ووژل شول او ۲ نور ټپیان شول.
د لښکرګاه په درېیمه امنیتي حوزه کې پر پولیسو د برید پړ تراوسه چا په غاړه نه ده اخیستې.