افغان ولسمشر وايي، له پاکستانه سوله نه غواړي، بلکې په حقيقت کې له پاکستان سره سوله غواړي.
محمد اشرف غني دا خبره نن یکشنبه په کابل کې د سولې عالي شورا د رئيس په توګه د محمد کريم خليلي د رسمي معرفۍ په غونډه کې وکړه.
ولسمشر غني وویل:
"زه له پاکستانه سوله نه غواړم، زه له پاکستان سره سوله غواړم، له پاکستان سره د سولې معنى دا ده چې په افغانستان کې يو باعزته، قوي ملي دولت ومنل شي."
ولسمشر په خپلو خبرو کې وويل، د سولې کولو په برخه کې دقت په کار دى، ځکه که په دې برخه کې کومه تېروتنه کېږي، درانه زيانونه اړوي.