د کندهار چارواکي وايي، د هغې پېښې د څېړنې لپاره يو پلاوی ګمارل شوى چې په کې ويل شوي دوو پوليسو تېره شپه شپږ نور پوليس وژلي دي.
پېښه د کندهار د ۱۵ مې حوزې په حاجي عرب سيمه کې شوې ده.
ويل شوي، په پېښه کې پنځه نور پوليس ټپيان شوي دي.
د کندهار يوه سرچينه چې نه غواړي نوم يې واخېستل شي، ازادي راډيو ته وويل، دواړه حمله کوونکي چې د تېښتې هڅه يې کوله، د امنتيي ځواکونو د يوې ګزمې له خوا وژل شوي دي.
د پېښې مسؤليت وسلهوالو طالبانو منلى دى.