د هرات ولايت ځينو اوسېدونکو په کابل کې د چهارشنبې ورځې د بمي حملې او د ناامنيو د نورو پېښو په تړاو مظاهره وکړه.
د ازادي راډيو خبريال وايي، په دغو مظاهرو کې تر سلو زياتو کسانو برخه اخيستې وه او د حکومتي مشرانو د استعفا غوښتنه يې کوله.
مظاهره چيانو ويل، د حکومت مشران نه دي توانېدلي چې خلکو ته د امن فضا برابره کړي.
دوى په عين حال کې د دولت د مخالفو ډلو په ځانګړي ډول داعش ډلې پر ضد هم شعارونه ورکول.
د مظاهرې يوه تنظيموونکي طارق نبي وويل، د امنتيي ملحوظاتو له کبله يې مظاهرې ٤٠ دقېقې دوام وکړ.