د افغانستان ولسمشرۍ ماڼۍ وایي، د افغانستان په چارو کې د پاکستان د مداخلې په اړه ټول اسناد او شواهد به د کابل په غونډه کې مطرح کړي.
د ولسمشرۍ ماڼۍ مرستیال ویاند نجیب ازاد نن ازادي راډیوته وویل چې دا غونډه یو ښه فرصت دی څو د افغانستان حکومت د دې غونډې ګډونوالو ته د پاکستان د مداخلې په اړه شکایت وړاندې کړي.
دی وایي، د تېرې ورځې د خونړۍ چاودنې په اړه به د ملګروملتونو امنیت شورا ته شکایت وکړي.
د ده په وینا د کابل په امنیتي غونډه کې به د ۲۴ هېوادونو او درېیو نړیوالو سازمانانو استازي ګډون وکړي.
دا غونډه د جون پر شپږمه جوړېږي.