ټاکل شوې ده چې د افغانستان ولسمشر محمد اشرف غني نن په سعودي عربستان کې د اسلامي او عربي هېوادونو په سرمشریزه کې ګډون وکړي.
په دې سرمشریزه کې له ترورېزم او سخت دریځۍ سره د مبارزې په اړه بحث او خبرې کېږي.
تمه کېږي چې افغان ولسمشر به د سعودي له پاچا سلمان بن عبد العزیز او دې سرمشریزې ته له وربلل شویو یو شمېر مشرانو سره وویني.
د افغانستان جمهوري ریاست وايي، ولسمشر غني به د ریاض سرمشریزې ته د ترورېزم او له ترورېزمه د ملاتړ کوونکو خواو په اړه څرګندونې وکړي.