د افغانستان د سوداګرۍ او صنایعو خونې مسؤلین وایي چې د سې شنبې په ورځ په هېواد کې د کار د وضعیت په اړه یو ورځنی کنفرانس جوړېږي.
د دغې خونې ویاند صیامالدین پسرلي د یکشنبې په ورځ ازادي راډیو ته وویل چې په دغه کنفرانس کې د تېرکال د اقتصادي وضعیت، پرمختګونو او د خصوصي سکتور د ستونزو په اړه له سکتوري وزارتونو سره خبرې کېږي.
پسرلی وایي چې د کنفرانس په پای کې د افغان سوداګرو شته ستونزې او وړانديزونه له حکومت سره شریکېږي.