په افغانستان کې د امریکايي ځواکونو قاطع ملاتړ ماموریت قومانداني د تخار لپاره د وسله والو طالبانو د نومول شوي والي وژل کېدل تائیدوي.
دغې قوماندانۍ د یوې خبرپاڼې په خپرولو سره نن وویل چې قاري طیب د کندز په دشت ارچي ولسوالۍ کې په یوې هوايي حملې کې وژل شوی دی.
خبرپاڼه وايي چې قاري طیب په افغانستان کې د څو امریکايي ځواکونو د وژل کېدو مسؤل پېژندل شوی و.
په خبر کې ویل کېږي چې له قاري طیب سره د وسله والو طالبانو اته نور جنګیالي هم وژل شوې دي.
طالبانو تراوسه په دې اړه څه نه دي ویلي.
تېره اوونې د بغلان لپاره د وسله والو طالبانو نومول شوی والي لعل محمد محمدي هم ووژل شو.