د امریکا متحده ایالاتو جمهور رئیس ډونالد ټرمپ ویلي د وروستیو بالسټیک میزایلو د ازموینې په خاطر ایران ته رسمي خبرداری ورکړل شوی دی.
ډونالد ټرمپ نن په یوه ټویټر پوسټ کې لیکلي:
"د ایران مشران باید له دې منندوی وي چې د امریکا متحده ایالات له هغوی سره خطرناکه معاهده لري."
Iran has been formally PUT ON NOTICE for firing a ballistic missile.Should have been thankful for the terrible deal the U.S. made with them!
— Donald J. Trump (@realDonaldTrump) February 2, 2017
د ټرمپ اشاره له پنځه جمع یو هېوادونو سره د ایران د اټمي لانجې د هواري په خاطر د تېر کال تړون ته وه.
د امریکا متحده ایالاتو ویلي چې ایران د ملګرو ملتونو د امنیت شورا د پرېکړې په خلاف د جنوري په ۲۹مه یو بالسټیک میزایل ازمویلی دی.
اخوا د ایران مذهبي مشر ایتالله علي خامنهای یوه ستر سلاکار علي اکبر ولایتي نن ویلي چې د امریکا متحده ایالاتو اداره به پوه شي چې خبرداری یې ایران ته بېګټې دی.