د ننګرهار چارواکي وايي، د داعش سخت دريځې ډلې وسله والو په کوټ ولسوالۍ کې په لسګونو کورونو ته اور اچولى دى.
د ننګرهار ولايتي اداره د دغو سوځېدلو کورونو شمېر پنځه شپېته ښيي او وايي، د پېښې په وخت کې کورونه تش وو.
د کوټ ولسوال وايي، داعش وسله وال، کورونو ته تر اور اچولو وروسته له سيمې تښتېدلي، خو افغان ځواکونه توانېدلي چې ۵ تنه يې ووژني.
صالح محمد صالح ته د کوټ ولسوال سيد رحمن مومند تېره شپه د مرکې په پيل کې وويل، داعش وسله والو دغه کورونه په يوه ليرې پرتې سيمه کې سوځلي دي:
Your browser doesn’t support HTML5
له ښاغلي مومند سره مرکه