امریکايي رسنیو راپور ورکړی چې د دې هېواد منتخب ولسمشر ډونالډ ټرمپ غواړي پخواني جمهوري غوښتونکی سناتور ډن کوټس، د ملي امنیت د ادارې د رئیس په توګه وټاکي.
۷۳ کلن کوټس له اینډیانا ایالته دی او په دې وروستیو کې یې د امریکا د سنا په مجلس کې خپله شپږ کلنه دوره بشپړه کړې.
نوموړې د جورج ډبیلو بوش د ولسمشرۍ په دوره کې په جرمني کې د امریکا د سفیر په توګه هم کار کړی دی.
د نیویارک ټایمز، یوایس اې ټوډې او د اسوشیټېډ پریس خبري اژانس په شمول څو رسنیو راپور ورکړی چې د ټرمپ په انتقالي ټیم کې ځینو سرچینو د ملي امنیت د رئیس په توګه د کوټس نومول تائید کړي دي.
دا سرچینې مشخصې شوې نه دي.
د نیویارک ټایمز د راپور له مخې تمه ده چې دا موضوع نن اعلان شي.