په هرات ښار کې د شيعهګانو يوه جومات ته نېږدې چاودنې شپږ کسان ټپيان کړل.
دغه پېښه پرون ماښام د هرات په اوومه ناحيه کې وشوه.
د هرات والي وياند جېلاني فرهاد وويل چې د يوه ټپي وضعيت نازک دى.
ښاغلی فرهاد وايي:
"په دې ترورېستي حمله کې شپږ بېدفاع کسان ټپيان شوي، چې يوه پهکې ښځه ده. له بده مرغه د يوه ټپي وضعيت نازک دى."
د والي وياند وويل، په دې چاودنه کې د امام محمد باقر جومات دېوال زيانمن شوى دى.
د هرات والي محمد اصف رحيمي امنيتي چارواکو ته امر کړى، چې د دې پېښې عاملان پيدا او ونيسي.