د افغانستان ولسي جرګې د جوزجان د پخواني والي احمد ایشچي د ادعاوو په اړه د هر اړخیزو څېړنو غوښتنه کوي.
د دغې جرګې لومړي مرستیال محمد ظاهر قدیر چې ننیې د جرګې مشري کوله وویل چې په دې برخه کې باید عدالت تأمین شي.
احمد ایشچي پرون ازادي راډیو ته وویل چې د ولسمشر لومړي مرستیال عبدالرشید دوستم پلویانو په غیر قانوني ډول نیولی او ورسرهیې ناوړه چلند کړی.
له دغو څرګندونو وروسته تېره ورځ په کابل کې د امریکا سفارت او اروپایي ټولنې په افغانستان کې د ملګرو ملتونو د استازي دفتر "یوناما" او د عفوې نړیوال سازمان هم په دې برخه کې د تحقیقاتو غوښتنه کړې ده.