افغان ولسمشر محمد اشرف غني د امریکا له منتخب ولسمشر ډونالډ ټرمپ څخه په ټلفوني اړېکه کې غوښتي چې افغانستان ته راشي.
د ولسمشر مرستیال ویاند دواخان مینه پال نن ازادي راډيو ته وویل چې د امریکا منتخب ولسمشر ټرامپ هم د ولسمشر غني دغه غوښتنه منلې او له ښاغلي غني نه یې هم غوښتي چی امریکا ته سفر وکړي.
جمهوري ریاست وایې چې د امریکا منتخب ولسمشر ډونالډ ټرمپ له ولسمشر غني سره په دې ټلیفوني اړیکه کې پر دوه اړخیزو اړیکو او له تروریزم سره د مبارزې په اړه خبرې کړې دي.
په همدې حال کې د ټرمپ ټیم ویلي دي چې دواړو مشرانو پرون په ټلیفون خبرې کړې او دوی ژمنه وکړه چې له ترورزم سره په مبارزه کې به له نږدې همکاري کوي.