د افغانستان دفاع وزارت وايي چې اوس هم د ننګرهار په ځینو ولسوالیو کې د داعیشانو تحرکات شته.
د دغه وزارت ویاند دولت وزیري وايي چې په ننګرهار کې د داعش پرضد د افغان ځواکونو پراخ عملیات دوام لري.
د نوموړي په خبره نور نو داعش په ننګرهار کې لوی ګواښ نه دی.
خو په ولسي جرګې د ننګرهار ولایت ځیني استازي او د ولایتي شورا یو شمېر غړي بیا د دغه ولایت په ځینو ولسوالیو کې د داعش حضور د اندېښنې وړ بولي.