روسي ځواکونو له سربي پوځیانو سره په داسې حال کې ګډ تمرینات ترسره کړي چې په ګاونډي مونټنیګرو کې له ناټو سره تمرینات روان دي.
مسکو له ناټو سره د مونټنیګرو له یوځای کېدو سره مخالفت کوي او سربیا د کرېملېن نېږدې ملاتړې پاتې شوې ده.
د سربیا د دفاع وزارت ویاند جووان کریفوکوپیچ وویل چې له دوست هېواد روسیې سره د نوومبر په دوهمه تمرینات پیل شول او هدفیې ترورېستانو ته ګډ ځواب ورکول دي.
د بېلاروس په لسګونو پوځیانو هم په دې تمریناتو کې برخه واخیسته.
په ورته وخت کې د ناټو یو شمېر پوځي واحدونو تر دې یوه ورځ مخکې په مونټینیګرو کې د طبیعي افتونو او کیمیاوي وسلو د استعمال د مخنیوي په هدف تمرینات ترسره کړل.