د هلمند سیمه ییز چارواکي وايي چې د یاد ولایت په نادعلي ولسوالۍ کې ۱۶ وسله وال طالبان وژل شوي دي.
د هلمند ولایت مقام په خبرپاڼه کې راغلي دي چي دغه وسله وال د یوه هوايي برید په ترڅ کي وژل شوي دي.
خبرپاڼه کاږي چي په دې برید کي د وسله والو یو قوماندان کامران د خپلو ۸ نورو ملګرو سره وژل شوی دی.
په دې برید کې د طالبانو یو ډاټسن موټر او په هغه کي نصب زیکویک له منځه وړل شوي دی.
دغه راز په یوه بل برید کي چي د نادعلي په ناقل اباد کلي کې شوی دی د هارون په شمول ۷ نور وسله وال هم وژل شوي دي.
تراوسه وسله والو طالبانو په دې اړه رسنیو ته څه نه دي ویلي.