په افغانستان کې د جنګي جرایمو او عامه وژنې د څېړنې لپاره د ولسمشر د دویم مرستیال په مشرۍ یو بورډ رامنځته شوی دی.
د بشري حقونو خپلواک کمېسیون مشرې سیما سمر نن په یوه کنفرانس کې دا خبره یاده کړه او ویې ویل چې دا بورډ به افغانستان ته د نړیوالې جزايي محکمې د غړیو د راتګ زمینه برابره کړي.
اغلې سمر وویل د یادې محکمې غوښتنه له افغانستان نه دا ده چې د عدالت د ټینګښت لپاره د بشر ضد جرایم وڅیړي.
افغانستان د نړیوالې جزايي محکمې غړیتوب په ۲۰۰۳ زېږديز کال کې ترلاسه کړ.
دا محکمه د جنګي جرایمو، بشرضد جنایتونو او عامه وژنې قضیې څېړي.