د ناټو دغړیو هېوادونو مشرانو پرون جمعه ختیځې اروپا ته دوسله والو ځواکونو استولو پرېکړه وکړه.
دا تر سړې جګړې وروسته په سیمه کې د روسیې د نفوذ د مخنیوي لپاره د ناټو لومړی ستر پوځي حرکت ګڼل کېږي.
د ناټو تړون غړي هېوادونه به څلور زر کسیزې لواګانې یا لواوې په پولند، لیتوانیا، استونیا او لاتویا کې ځای پرځای کړي.
د دې پوځيانو مشري به امریکا، کاناډا، جرمني او بریتانیه کوي.
ینس ستولتنبرګ پرون په وارسا کې چې د ناټو د مشرانو غونډه روانه وه، وویل:
"موږ پریکړه وکړه چې د یویشتمې پیړۍ وسلې او د فعاعي سیسټم د یوېشتمېپېړۍ د خطرونو په وړاندې ودروو."
د وارسا د غونډې زیات تمرکز پر روسیه دی.
روسیې په ۲۰۱۴میلادي کال کې د کریمیا ټاپووزمه له اوکراینه جلا او له ځان سره یو ځای کړه.
مسکو د اوکرایین په ختیځ کې د بېلتون غوښتونکو وسله والو ملاتړ هم کوي.