د یمن امنیتي چارواکي وايي د دې هېواد په جنوب کې د بمي حملو په تازه لړۍ کې لږ تر لږه ۴۲ کسان وژل شوي دي.
په دې بریدونو کې ۲۷ تنه نور ژوبل شوي دي.
د اسلامي دولت په نامه ډلې یا داعش د دې بمي حملو مسولیت پر غاړه اخستی دی.
چارواکي وايي پر استخباراتي ادارو، د پوځ پر تاسیساتو او د تالاشۍ پر پوستو دا بمي بریدونه هغه مهال وشول کله چې سرتېرو د روژه ماتې لپاره چمتوالی نیوه.
په یمن کې په دې وروستیو کې داعش او القاعده شبکې خپل بریدونه زیات کړي دي.