د عراق پوځ نن وویل چې د فلوجه له ښاره د ملکیانو د وتلو لپاره یې لومړنې نسبي خوندي لاره مصون کړې ده.
دغه ښار چې بغداد ته نږدې د اسلامي دولت ډلې په ولکه کې دی د عراق پوځ یې د بیرته نیولو لپاره له څو ورځو راهیسې عملیات پیل کړې دي.
د ګډو ځواکونو د عملیاتو د قوماندانۍ ویاند جنرال یحیی رسول رویترز ته وویل چې دغه خوندي لاره د فلوجه په جنوب لویدیځ کې ډاډمنه شوې ده.
د هغه په وینا مخکې هم خوندي لارې رامنځ ته شوې وې خو د خوندیتوب له پلوه دا اولنۍ ترټولو ښه امن شوې لاره ده.
د د دغو عملیاتو یوه بل ویاند بريد جنرال سعد معن په دغو عملیاتو کې د پرمختګ خبره وکړه او ویي ویل چې د تروریزم ضد جزوتام په کې د پام وړ رول لوبولى دى.
ویل کیږي په فلوجه ښارکې شاوخوا پنځوس زره ملکیان بند پاتې دي.